என் காதுகளை மூடிக் கொள்கிறேன்
மன்னித்துக் கொள்
உன் வார்த்தைகளை
செவிமடுக்கும் நிலையில்
நானில்லை
உன் பிடிவாதத்தை
பிரதிபலிக்கும் சொற்களை
கேட்கத் தயாராக இல்லை
என்னைக் குதூகலப்படுத்திய
உன் குரலே
இன்று குத்திக் கிழிக்கவும்
நேரம் பார்த்து நிற்கிறது
ஸ்பரிசித்த குரலே
பாம்பின் தீண்டலையும்
செய்யுமெனில்?
வேண்டாம்
என் செவியினை பிணைத்துக்கொள்கிறேன்
மன்னித்துக் கொள்.
No comments:
Post a Comment