பக்கத்து வீட்டுச் சிறுமி

பக்கத்து வீட்டுச் சிறுமி தந்த
ஒற்றைப் பலூனில்
காற்றை நிரப்புகிறேன்
அது உப்புகிறது
பெரிதாக் இன்னும் பெரிதாக

வெடித்துவிடுமென நிறுத்துகிறேன்
அது கையைவிட்டு பறந்து செல்கிறது

அழத்தொடங்கிய சிறுமியும்
பதறிய நானும்
பலூனைப் பார்த்தபடி நிற்க

எங்கிருந்தோ வந்து
சிறுமிக்கு ஒற்றை பலூனையும்
எனக்கு ஒற்றை முத்தத்தையும்
அளித்துப் போனாய்
சிறுமி அழுவதை நிறுத்தியிருந்தாள்
நான் இப்போது அழத் தொடங்கினேன்